10月7日 ~ 獎賞天地

佢地讚我近來愈來愈stable, 所以亞Pat今日買左勁彈彈波, 甩爆牙用既牙骨, 牛奶糖仲有支牙jel準備幫我擦牙 …

佢一入屋我已經好醒目聞袋袋, 一定有獎賞天地比我啦 …大家估下我至like邊份 ???

10月4日 ~ 假期第四天(與Mayee一家初次見面編)

嘩連續玩左幾日真係好有倦意所以今朝晏左起身,之後去左嘆懷舊"美都餐室",叫左菠蘿油,奶油多,免治牛肉飯,同凍奶茶,個飯飯好得坐得又舒適,下次要試炒牛河同焗豬扒飯....

過左去teddy cafe行一陣竟然撞到仙太朗一家,原來今日係大皇5歲生日恭喜晒呀,佢地成三十幾人包左場真犀利....

Mayee一家到啦我都係第一次見佢地咋,一見面就封左大利是比我,算你醒目啦....嘻嘻嘻佢同強強話我個樣有七成似darkgor哥哥不過瘦左少少同埋手仔頭仔未夠毛毛....Icy同言言對我好有興趣又同我影相又摸我d毛毛... 遲d黎我地屋企等光光整dessert比你地食....
Mayee多兩日生日啦,祝你青春常註,開開心心,你同亞Pat都要一齊加油啊!!!

10月3日 ~ 假期第三天(中秋賞月編)

祝大家中秋節怏樂人月兩團圓,今年我有好多個第一次經歷,好多謝光光同亞Pat既照顧...

一早修左少少毛毛,原先林住去獅子會不過最後都係改去南生圍,同埋Mane一齊去探險,光光今次好叻仔識得上網search個location...good boy,去左一間風味魚池士多食個lunch先,再入去草地行行但我已經成身連手腳都痴晒尖葉仔好煩呀又熱熱....都係等遲d冇咁熱再黎過,佢地好想食豆腐花就試呢間啦,又幾滑幾好味wor,下次再黎食過先得...

夠鐘去亞Mic家鐵板燒賞月大會,嘩好多食物好美味,而我又乖乖等食中,表哥表姐真係好可愛,我表演一d小指令,亞Mic話我竟然可以咁快學識同埋讚我幾穩定....我地要幫表哥補祝生日,我仲即場kiss左佢一啖當禮物不過佢似乎唔係幾受落bor...哼唔識貨@@.... 最後預祝你interview 成功!!!

10月2日 ~ 山頂跑跑編

咁大個草地比我跑開心屎@@

10月2日 ~ 假期第二日(山頂 + cafe編)

我都係第一次上山頂公園玩,有大草地比我跑呀追呀聞呀正呀又唔曬...雖然冇撞到其他狗狗,我同光光玩追逐都好開心呢...我遲早實跑得快過你地@@

玩左成粒鐘開始餓餓去左DOL cafe醫肚肚,我又係第一次黎,裝修又幾嬌艷pink ku colour...影相都sharp d,原來食物水準都幾掂...

有隻狗狗被lead住攪到佢有少少火,不過我唔怕仲走埋去say hi,另一隻yoshi怕事仔,再黎隻好粒坐sofa度嘆既金毛,仲有兩隻poodle...攪到我由唔識跳sofa都唔理 you jump I jump,比亞Pat鬧我正一跩boy...

後尾落左樓下買皇子二世皇冠scarf,仲係亞Pat掘敏e比錢嫁....嘻嘻嘻多謝晒wor....

回程時一上車我即刻懶左尿尿係床床度,我好怪狗仔唔識係外面痾,唔知幾時先識呢???唉sorry呀!!!

光光叫亞Pat唔好鬧我,發生左就要處理(返去洗床床),都係既...我會學習係出面痾唔再急嫁啦><...