10月18日 ~ 我半歲啦

原來我今日半歲大啦...佢地特登帶我去Petmax比我見識多d唔同品種既99, 唔怪得以前哥哥咁鐘意黎呢度啦, 原來真係幾好玩bor...

今日仲有好多得幾個月大既9仔所以特別岩玩...有隻八哥,比熊仲有查理斯同我玩相撲, 玩到攰晒我又返去飲水水同食餅餅補充體力...另外有成二十幾隻芝華華, 其中有隻高身小小既un我呀, 嚇到我唔太敢出去玩添, 佢地話我冇鬼用, 等我大個仔我就唔怕你地...

後尾買左生日禮物比朋友, 仲有自動波波同埋cake仔比我慶祝半歲大, 個carrot cake仲好岩我食添...

報告一下我個update size === 體重:11.5 lb, 頸圍:25 cm, 胸膛:37cm, 身長:30cm, 身高:25cm, 拜拜你條尾:14cm...尋日光光咩住我入袋都已經覺得好重, 緊係啦我日日食一mug有多飯飯wor...嘻嘻嘻!!!

10月17日 ~ 終於黎左獅子會啦

我地都係第一次黎左獅子會咋, 不過都係幾熱熱...原來呢度都幾大, 有草地比狗狗free walk又唔怕有馬路幾好wor ...

行左一圈外圍, 再去睇下甲虫,蝴蝶,貝殼展館順便嘆下冷氣...見有狗狗係草地影相咁我又入去打個招呼先, 有隻poodle仔時時吠我, 因為我同佢d朋友仔玩得好癲, 大家又係差唔多size都幾好玩, 我好叻叻可以re-call & come back, 緊係啦有餅餅食wor ^ ^

玩左粒半鐘要去西貢市中心醫肚, 買埋甜豬包比太婆佢地, 表哥今日都有黎...佢好攪笑聽佢講野我地連太公都笑足全場, 表哥時時走黎走去咁我實係追住佢對襪咬嫁啦, 佢鬧我話: 唔鐘意d跩既狗仔, 光光即刻大大聲同亞Pat講: 表哥唔鐘意Tako wor, 咁表哥怕亞Pat嬲即刻轉晒太話: "我冇話唔鐘意Tako , 我淨係唔鐘意跩狗仔傘"...笑屎大家囉...呵呵呵!!!

10月16日 ~ 執返三隻牙仔

近排又甩左幾隻牙仔, 好彩又比光光執返三隻, 至開心係甩左兩隻爆牙仔啦, 希望淨返果兩隻盡快甩啦, 咁就唔洗搵瘦E拔牙!!!

今晚光光出左街亞Pat又唔so我, MMK我準備玩你送比我既奶樽, 至like咬個奶咀頭 :P

10月15日 ~ 牛排餐

光光愈來愈識煎牛排好香香又好好味,真係唔該晒Stephen哥哥幫我地買既靚牛排...^ ^

10月14日 ~ 與Patrick聚聚舊

Patrick出差來港還指定要食道地美食, 上次還真的要謝謝你熱情的招待, 沒問題那就來吧盡管食過夠 ....

光光說他也要跟Patrick聚舊, 只可惜敏e不能前來 ... 我們在佐敦品嚐了的大排檔風味, 椒塩懶尿蝦, 炒聖子, 乳鴿, 蠔餅和通菜 .... 已經很飽了, 但Patrick還想再食公仔麵, 好吧那就去翠華茶餐廳食過夠囉 ... 點了冰淇淋咖啡, 奶油豬, 奶油多和主打餐蛋出前一丁麵 ... 好厲害啊都能完成!!!

下次再來一定要去我們家順便看看我家Tako仔 ... 大家談到明年一起去旅行, 希望到時真的能夠實現呢!!!