8月31日 ~ 搵豬豬車

我好叻仔識係玩具堆中搵返架粉紅色豬豬車出黎仲咬住比亞Pat添．．．去片！！！

8月30日 ~ 第一次去亞Mic屋企表現良好

好興奮一收到S姑媽來電叫我地去飲茶,我仲可以去亞Mic屋企作客, 出發前去左買HG + FL,因為要9月1日食HG滴FL, 我入左袋袋陪佢地食左個輕量早餐，不過我郁身郁世唔定定, 攪到佢地要快食走人．．．由於手甲腳甲長長去左犬工房快速修一修．．．唔洗５分鐘攪掂晒．．．

我今日表現好好,由於唔可以落地地痾尿尿,佢地帶埋我個toilet出黎,出左黎三粒鐘都未痾過尿,亞Pat一放個toilet係車車度我即刻識痾啦．．．Good．．．

後尾一入到表哥屋企我好緊張,dup尾尾要過左五分鐘周圍聞聞聞至樹返尾尾,我都好Good Boy係自己個toilet度痾尿尿冇整dirty佢地間屋,光光教Michiko整拿破崙cake,而我玩左一陣好安靜係樓梯度瞓覺仔,表哥好鐘意我添,佢地仲話Darkgor大哥文靜又乖巧,而我活潑又好動．．．兩個都好Good Boy．．．Yeah！！！

之後我仲陪佢地去田中買外賣,不過好熱熱．．．返家等佢地食完dinner至走,輪到我返家食完飯已經好攰啦，即刻眠一眠先ｚｚｚｚ！！！

8月29日 ~ 光光試整梳乎厘 + 初次見表哥表姐

今日同亞Mic係Stonegrill補祝生日,食完野就黎左我地屋企,我都係第一次見表哥表姐公公咋…佢地話我好精靈活潑…表姐同我一樣仲細唔可以游水水, 所以佢地走先啦．．．

光光今日試整梳乎厘,材料簡單又經濟,婆婆游完水話好肚餓即刻食左兩柸連佢都讚好好味…..之後去左TW食潮菜….yummy yummy！！！

8月24日 ~ 我要鍚到S姑媽

咁好S姑媽突然話黎探我．．．我係熱情小伙子等我黎鍚啖你啦，比我錫啖啦！！！

8月23日 ~ 光光試整芒果拿破崙 + Leo九歲大日子

光光今日試整芒果拿破崙，雖然賣相唔太靚同埋冇多層既效果，亞Pat即食左３個，又幾好味bor．．．仲比左Man e同婆婆表哥佢地食，個個都讚好味呢，下次可以放士多啤梨上去．．．

探完表哥表妹，去參加Leo大佬狗哥九歲大日子,好可惜我仲未出得街，我同你補祝一句生日快樂．．．

佢地係Pet Station游完水切埋生日cake後,去左流浮山食海鮮，經Icyma介紹果然係掂，今餐好滿足呀！！　

8月22日 ~ 打第三支針

繼7月25日返家後今日第一次出街,不過原來係打針針，未打針前去左Mega Pet探芯姐姐，佢話我肥左大隻仔左，我仲狂錫錫佢．．．

呢間診所係Karen ee介紹，個Dr.Lau又幾好wor解釋好詳盡 ．．．真係有緣啦．．．原來L&O今日黎覆診，好開心可以一睹Leo大佬同埋Abby姐姐既樣樣bor．．．

打完針針我入左袋袋都冇吠過，陪佢地食左個lunch,佢地話我知Darkgor大哥好乖可以係袋袋好安靜去左好多間餐廳都冇比人發現．．．我都希望可以做到．．．

返到屋企真係好攰，陪光光一齊瞓，我仲用左光光隻腳做枕頭，佢地話點解我識呢個動作，原來同Darkgor大哥一樣．．．我知光光好開心我識咁做同埋係餐廳瞓瞓冇吠過．．．

敏e黎左食飯，光光整左佢既至愛皮蛋肉鬆豆腐，敏e仲睇埋港姐至去走！！！