10月25日 ~ Halloween Party

尋日行完山山, 今日起身又話哈佬喂BBQ party, 原來今日森美(Silver, 婷婷), 小雲(一蚊), veve(圖圖), Roy(明明)佢地都黎埋, 亞Pat光光好開心可以同舊朋友聚聚, 而我又可以識新朋友仔...

今日有成四十幾隻99大家仲要扮鬼扮馬好攪野, 我著左哥哥件南瓜衫出場, 係出場前亞Pat抱住我, 但我忍唔住痾左尿仲比亞Roy發現以為我留口水, 原來係尿尿…笑屎大家

佢地d遊戲又幾過隱, 好多主人homemade food比我地班99食, 我都係第一次食雞雞,肉丸,南瓜批...真係有得食有得玩仲有好多禮物添...呢度又有大草地比我地跑跑追追...開心屎

其間遇到apetpet blog友原來佢一直有支持開哥哥個blog, 好多謝你呀...請繼續支持我個blog wor...其他朋友suggest亞Pat同我轉返去yahoo blog度, 方便大家留言wor...好啦等亞Pat林林佢...

真係玩得好攰要去探太婆順便dinner, 買埋鵝片豬紅加餸...

10月24日 ~ My first Hiking

我都係第一次行山山心情好興奮呀, 約左噹噹毛毛行TKO, 不過今日都幾熱熱, 真係唔好意思要大家就我地咁晏先出發, 我地好辛苦咁先行到上個亭又熱又曬, 毛毛噹噹同我都好叻叻, 雖然係熱屎狗同人, 但我地不知幾enjoy...三個都係好乖既狗仔, 行下又轉頭返去睇下佢地行地點...good!!!

今次目的地要搵瀑布, 好彩有貴人叔叔帶路仲帶埋光光落山, 可能佢近排休息唔夠肚仔又空空, 都係唔好行啦...我同亞Pat繼續行唔洗擔心, CCK & MMK會take care我地, 你落山醫肚休息一下先啦...

我好鐘意痴實毛毛哥哥, 佢行左我又行左, 佢聞石我又聞石, 有時都會返轉睇下亞Pat佢掂唔掂, 而噹噹全程痴實MMK, 女仔人家真係唔同d斯文又白淨, 仲有唔該Alex哥哥同我影左咁多靚相, 我都係第一次肯係野外痾CC & New New, 仲比毛噹做見証又影埋相添, 佢地今次仲唔"升呢" ...嘻嘻嘻

終於到左瀑布啦, 好清涼好爽行得咁辛苦都係值得...回程時隻腳震到爆, 一直林住支大O樂向目標進發, 同光光回合去坑口食野, 唔洗講大O樂啦...爽呀!!!