9月27日 ~ "擇嗲"@村龍

咁岩既去到村龍搵緊位撞到Nelson & Bruce一家,咁就一齊"擇嗲"啦人多d食得開心d...原先得佢地兩個人只可以食到五碟點心左右,而家人多多叫左三十幾碟,好滿足好開心,仲要多謝Nelson一家請客添,真係唔好意思啦...

食飽去左郊野公園行下,今日天氣好好,唔熱又有清風送爽...正呀...我又可以自由行同佢地玩追腳跑跑跑...

我仲係BB仔唔好玩得咁勁啦,尋日又冇瞓晏覺,返屋企途中已經熟睡了,呢兩日好夠皮啦!!!

9月26日 ~ 大食會

光光又焗左餅仔比我,食完要磨甲同沖涼,今次好怕沖涼係咁掙扎,吹完毛毛佢地話開始發覺我個樣有少少Darkgor哥哥既影子,我知佢地好開心同安慰^ ^

扮靚靚去廚神屋企攪大食會...HiHi everybody我係Tako仔,又係金毛狗狗wor佢叫GiGi姐好斯文已經7歲啦,我都係第一次去狗仔朋友屋企,帶埋我個私家toilet包保冇痾錯,果然入屋開大又開細,個個讚我醒又企理,我真係一隻怪狗仔,出街唔會痾CC New New,除左係Good Dog cafe肯痾,其餘都係自己尿板攪掂...@@

開動啦...廚神Steven哥哥辛苦晒我地唔客氣啦,第一道係魚生:馬糞海膽,甜蝦,帶子,吞那魚,三文魚,蛋蛋,再黎沙律,蒜蓉cream焗青口,Rosymary焗羊扒,安格斯牛扒,白汁白酒磨姑螺絲粉,法式焦糖布甸,檸檬合桃芝士蛋糕,cappuccino咖啡,總共12道菜連甜品飲品....嘩真係好正呀仲好味過出面d餐廳,唔係誇張真嫁樣樣都..........................好好味呀!!!!

食足四粒鐘仲勁過法國菜,食飽飽又玩埋game屎先走,仲有cake打包添呀...真係辛苦晒廚神哥哥啦!!!

9月25日 ~ Whole day free walk

佢地見我近排較穩定,所以決定比我試一次全日在家自由行,亞Pat有少少擔心我會冇咁順攤,但光光對我好有信心...

果然真係冇咩大問題,我好乖仔呀...只係拎左亞Pat隻拖鞋陪我係廚房ZZZ... 有佢陣臭腳味陪住安全感都大d !!!

9月21日 ~ 搭船初體驗 to Lamma Island

第一次坐巴士同埋船船仲有的士去Lamma Island, 同行既有Bob Bob一家, 即場送左Tako的心星餅餅比BobBob,佢似乎同DemDem都好like食食 … 開船啦你地唔好睇BobBob大隻過我, 其實佢好細膽又怕暈船浪, 行二步就唔識郁, 要爹爹拉返佢埋去,笑屎我啦 .... 而我就狂發掘地地有冇野食, 後尾有個住島既西人過黎撩我地傾計, 大家交談得好流利順暢, 緊係啦我同BobBob都係來自澳洲...嘻嘻嘻....最主要係佢識講廣東話咋.....wakakaka

到左我地今次要去既南島書虫餐廳, 呢間野係食素菜, 08年食過一直好掛字, 所以今次要再去食, 連DemDem, Felix都話唔錯環境好舒適...食飽去周圍shop一番, 再行去洪勝爺灣, 流晒大汗不過都好開心, 我至like follow BobBob 既step, 我平時好少搶繩但一見度佢行前左幾步我又要緊貼.... 我雖然係BB仔應該算幾行得, 但我個口仔變左泥咀, 鬼叫我口水嗲嗲帝....

今次唔食出名果間亞婆豆腐花, 聽TaTa Nico講近洪勝爺灣果間仲好食, 不過要快食準備入夜有好多蚊英針....好啦上船啦我同BobBob變左屎狗瞓瞓瞓ZZZ....

下次去探你順便游水水....886 我既好兄弟BobBob!!!