9月14日 ~ 唉！甩左四粒牙仔

嘩今日兩位咁早放工呀，五點已經返左黎，原來係８號仔帶挈．．．

唉！我甩左四粒牙仔全部都係下顎位，好似個冇牙佬咁，都係唔笑啦咁樣衰！！！

9月13日 ~ 買玩具

一早去左報名再去勝利道食早餐，我唔太願意係袋袋仲郁身郁世，不過只要比我伸個頭仔出黎我就定晒，老實講呢樣野最唔似我Darkgor大哥．．．

去左犬工房買左兩個玩具，一個香味圓形繩結一個智慧波波，再逛MegaPet探芯姐姐，我一見佢好似發左癲咁狂鍚佢，話晒佢都曾經好照顧我，跟住買左一隻牛牛一支骨骨，芯姐姐仲送左包零食比我．．．開心屎！！！

仲有節目wor就係去行公園，不過得一隻狗狗咋，緊係啦天氣咁焗熱．．．我好乖仔時時跟住光光既step,最奇怪係出街都唔太願痾CC NewNew....

買埋餸就返屋企啦，嘆下冷氣玩下智慧波好過！！！

P.S. 原來我早兩日下顎luck左隻牙仔，今日另一隻又鬆鬆地啦．．．













　

9月12日 ~ 初次玩追逐

好開心第一次同狗狗馬蹄朋友仔同我玩追逐，真係興奮都爆炸，不過馬蹄已經有少少頂我唔順啦＠＠

9月12日 ~ 結識新朋友 + 婆婆生日

佢地話帶我去GD識新朋友仔，今次我冇怕狗狗，好野．．．馬蹄仔同我年紀差唔多同佢至岩玩，不過佢都係有少少頂我唔順，有時仲要昌哥抱抱．．．再撩Latte姐姐同Mohca哥哥玩，佢地唔太so我，始終年紀有別係爭d，我咁煩佢地對我都好客氣．．．今日真係玩得超開心仲好攰，一陣實好好瞓ｚｚｚ

放低左我返屋企，佢地去左Element王家沙同婆婆慶祝生日，婆婆準備左利是比我，真係好多謝您，祝您福如東海，壽比南山，馬運亨通．．．嘻嘻嘻！！！

9月8日 ~ 初次夜遊

第一次落樓下夜遊攪到有少少興奮，不過我都仲係有少少怕其他狗狗，遲d接觸多d應該會好好多．．．

9月6日 ~ 三十分鐘散步仔

佢地一早去唱K,返黎休息一陣等冇咁熱同我去浪澄灣散步仔，有幾隻狗狗走埋黎攪到我好驚彈起，但反而我最鐘意大犬金毛，可能以為佢係亞Bob啦．．．

玩左一陣要走啦，敏e又黎痴餐,光光之後整左士多啤梨拿破崙，今次唔單止好食賣相仲好得添，我地比佢９０分啦．．．掂呀！！！

9月5日 ~ 另一個第一次(太婆家,西貢,婆婆家)

今日佢地第一次幫我沖涼仲有好多肛門線添．．．沖完涼去探太婆太公我都係第一次見過佢地，我好叻仔係尿板痾尿尿，佢地都讚我好企理好叻仔．．．

跟住去西貢行下，不過今日狗狗唔算好多．．．佢地盡量冇比我同其他狗狗互聞佢，因為始終岩岩打完第三支針兩個星期左右

食完tea去婆婆家，又係第一次去，地方大夠我跑，佢地開大食會而我偷食左地下粒紅蘿蔔．．．
我真係要讚一下自己，我係尿板痾CC冇整dirty地方好Good boy...不過我走去偷鍚左表姐一啖跟住比人鬧，都係唔好太熱情,始終都仲係BB...