9月6日 ~ 三十分鐘散步仔

佢地一早去唱K,返黎休息一陣等冇咁熱同我去浪澄灣散步仔，有幾隻狗狗走埋黎攪到我好驚彈起，但反而我最鐘意大犬金毛，可能以為佢係亞Bob啦．．．

玩左一陣要走啦，敏e又黎痴餐,光光之後整左士多啤梨拿破崙，今次唔單止好食賣相仲好得添，我地比佢９０分啦．．．掂呀！！！

9月5日 ~ 另一個第一次(太婆家,西貢,婆婆家)

今日佢地第一次幫我沖涼仲有好多肛門線添．．．沖完涼去探太婆太公我都係第一次見過佢地，我好叻仔係尿板痾尿尿，佢地都讚我好企理好叻仔．．．

跟住去西貢行下，不過今日狗狗唔算好多．．．佢地盡量冇比我同其他狗狗互聞佢，因為始終岩岩打完第三支針兩個星期左右

食完tea去婆婆家，又係第一次去，地方大夠我跑，佢地開大食會而我偷食左地下粒紅蘿蔔．．．
我真係要讚一下自己，我係尿板痾CC冇整dirty地方好Good boy...不過我走去偷鍚左表姐一啖跟住比人鬧，都係唔好太熱情,始終都仲係BB...

9月4日 ~ 我的第一次

今日呢個日子好重要．．．係我既狗一生有好多第一次既經歷．．．

亞Pat第一次比我係屋企自由行左一粒鐘，而我好乖仔等佢返屋企讚我Good boy...

之後就係第一次同狗狗玩仲係大犬Bob Bob,我好興奮開頭有少少驚，不過好快就冇野仲時時追住聞聞聞，我仲抱住佢隻手un, 昌哥話我唔係咸濕而係扮大佬．．．Bob Bob好錫我好識就我，比著第二d狗狗一定咬鬼我．．．

去完cafe, Felix哥哥車我地去浪澄灣，而我又係第一次腳踏實地係地地，終於可以行街街啦，個公園有金毛，史立莎同八哥我都唔太興趣，因為我好鐘意follow Bob Bob既step，佢去邊我又去邊．．．

最後光光都黎埋我地提議去Teddy cafe食dinner,我同Bob Bob都好攰又有微風吹吹坐到瞓著啦
不過可以坐出黎陪佢地一齊食野都幾開心．．．我既第一次就係咁過嫁啦！！！












　

9月1日 ~ 初次食HG滴FL

唔該亞Pat幫我mark低今日食左HeartGuard同埋滴左FrontLine．．．除左狗糧以外我都未食過其他既食物，真係好緊張呀．．．我竟然肯咬HG．．．平時我係吞狗糧唔會咬，真係估唔到，唔知下次有好咩好野食呢？

8月31日 ~ 搵豬豬車

我好叻仔識係玩具堆中搵返架粉紅色豬豬車出黎仲咬住比亞Pat添．．．去片！！！

8月30日 ~ 第一次去亞Mic屋企表現良好

好興奮一收到S姑媽來電叫我地去飲茶,我仲可以去亞Mic屋企作客, 出發前去左買HG + FL,因為要9月1日食HG滴FL, 我入左袋袋陪佢地食左個輕量早餐，不過我郁身郁世唔定定, 攪到佢地要快食走人．．．由於手甲腳甲長長去左犬工房快速修一修．．．唔洗５分鐘攪掂晒．．．

我今日表現好好,由於唔可以落地地痾尿尿,佢地帶埋我個toilet出黎,出左黎三粒鐘都未痾過尿,亞Pat一放個toilet係車車度我即刻識痾啦．．．Good．．．

後尾一入到表哥屋企我好緊張,dup尾尾要過左五分鐘周圍聞聞聞至樹返尾尾,我都好Good Boy係自己個toilet度痾尿尿冇整dirty佢地間屋,光光教Michiko整拿破崙cake,而我玩左一陣好安靜係樓梯度瞓覺仔,表哥好鐘意我添,佢地仲話Darkgor大哥文靜又乖巧,而我活潑又好動．．．兩個都好Good Boy．．．Yeah！！！

之後我仲陪佢地去田中買外賣,不過好熱熱．．．返家等佢地食完dinner至走,輪到我返家食完飯已經好攰啦，即刻眠一眠先ｚｚｚｚ！！！