8月22日 ~ 打第三支針

繼7月25日返家後今日第一次出街,不過原來係打針針，未打針前去左Mega Pet探芯姐姐，佢話我肥左大隻仔左，我仲狂錫錫佢．．．

呢間診所係Karen ee介紹，個Dr.Lau又幾好wor解釋好詳盡 ．．．真係有緣啦．．．原來L&O今日黎覆診，好開心可以一睹Leo大佬同埋Abby姐姐既樣樣bor．．．

打完針針我入左袋袋都冇吠過，陪佢地食左個lunch,佢地話我知Darkgor大哥好乖可以係袋袋好安靜去左好多間餐廳都冇比人發現．．．我都希望可以做到．．．

返到屋企真係好攰，陪光光一齊瞓，我仲用左光光隻腳做枕頭，佢地話點解我識呢個動作，原來同Darkgor大哥一樣．．．我知光光好開心我識咁做同埋係餐廳瞓瞓冇吠過．．．

敏e黎左食飯，光光整左佢既至愛皮蛋肉鬆豆腐，敏e仲睇埋港姐至去走！！！

8月20日 ~ 聚舊

今日亞Pat個舊同事法國佬返黎探佢地，呀E冇咩變只係肥左少少因為少左Hiking...亞Pat仲係亞E面前提起我呢個小白威Tako仔添．．．

去完Jade Garden dinner,再去Habitu對住個nice view飲野...真係好開心，不過返家已經好夜，我仲陪埋亞Pat成兩點先瞓！！！

8月18日 ~ 我四個月大啦

我今日4個月大啦 ...等我磅一磅同量一量update一下先...
體重 : 6磅, 頸圍:19cm, 胸膛:30cm, 身長:28cm, 身高:20cm, 拜拜你條尾:12cm
就黎打埋第三支針可以出街威啦...真係好期待呢!!!

8月17日 ~ 買左新書

亞Pat買左本"動物傳心師的世界"既書，佢好似好有興趣咁，唔知係咪真係可以同我溝通多d明白我多d呢？？？

佢仲想考慮報讀埋個course，不過現階段睇左本書先wor，希望佢唔好三分鐘熱度啦．．．

今晚食左1/4粒杜虫葯，睇落我d便便都好OK，不過杜埋虫虫穩陣d！！！

8月16日 ~ 出門前影張相先

未打第三支針，所以仲未帶得我出街，咁你地自己去TW買家庭用品shopping下啦．．．
臨出門同我影左幾張相，如果可以日日同我影返張相update一下，睇下有冇唔同樣．．．
我好乖仔係圍欄等左三粒鐘，佢地返黎陪我玩玩具，對我呢講已經好滿足啦！！！

8月15日 ~ 光光第一次整cheese cake

光光今日試整cheese cake,一早去買好材料準備整啦，你有你整餅，我有我影相．．．嘻嘻嘻

都攪左粒半鐘，終於成功仲好香呢，不過個面有少少燶，唔緊要啦第一次算係咁啦，光光真係叻叻．．．

包好佢一陣帶比太婆，婆婆佢地品嚐，出發前亞Pat幫我剪左頸，耳仔，眼，同patpat毛毛，好似大個仔左少少wor...今日有6磅啦，返左呢3個星期重左1.8磅...

光光好開心，第一次整cake,太公，太婆，婆婆，Vicky，二舅父，S，亞妹都讚好食,婆婆仲比90分添，佢話遲d學埋拿破崙同梳乎厘．．．期待期待！！！

8月14日 ~ 食雪茄

擔返口大雪茄，我充生晒認經理．．．嘩好老套呀！！！