8月9日 ~ Stonegrill

Stonegrill有promote緊係要試下，今日又係S姑媽生日正日，祝你生日快樂，身體健康，心想事成．．．

呢個set都幾好味，有西瓜汁or橙汁，餐湯soft包包，石頭燒牛肩，Häagen-Dazs雪榚，coffee or tea唔錯唔錯．．．希望S姑媽會鍾意啦！

食飽飽去Mega Pet買玩具，芯姐姐同亞Pat講我個兄弟係上個星期一比人買左啦，好開心呀希望佢個主人會好愛錫佢,願天父保佑我個兄弟健健康康，開開心心咁成長啦，唔知．．．第日有冇緣見返面呢？？？

我有三個新玩具，亞Pat教我stay for a while,仲叫我自己柬一份玩，嘻嘻我要Pig car真係超好玩！！！

8月8日 ~ 預祝S生日

我好乖係sofa等光光吸塵拖地，原來一陣Karen, Ivan, Eva, Dee, Mane, S同婆婆黎探我兼游水．．．

亞Pat比我試帶Mane整比Darkgor大哥既scarf,一帶上亞Pat狂讚好靚仔，咁我又好似好enjoy咁,所以都冇咬到，光光話遲d比我試著鞋仔．．．

佢地黎啦嘩好熱鬧好多人好開心，我至like熱鬧平時係屋企好悶嫁又未出得街．．．敏e好有心帶左魔鬼蛋糕同S慶祝生日，食完cake Eva ee抱埋我去左carpark睇Ivan哥哥,Karenee新車之發佈，嘩果然係型又潮，嘻嘻我仲有份坐新車，我聞到新車皮味好香．．．要同Ivan哥哥,Karenee 88先,好多謝你張床床呀．．．同埋Agnes Y & Eva ee既布布玩具呀！！！

carpark好焗要上返去游水水啦，游完水婆婆同S去左探太婆，而我地去左SSP食上海菜，敏e臨走前叫住光光陪佢打機．．．兩個老野學人扮細路入機舖打機，至慘係亞Pat被迫陪佢地．．．＞＜

8月6日 ~ 玩成咁

亞Pat幫我縫返好個Donut比我玩，我一邊咬波板糖，唔覺唔覺玩玩下隻腳踩左入Donut個窿度，真係好攪笑，連我自己都唔知，真係傻仔．．．

我又玩一叫即到同埋起飛追波波，真係好開心有得食有得玩有得瞓有得all．．．嘻嘻嘻！！！

8月5日 ~ 清潔

佢地一放工返黎我實興奮到滴尿尿，今日仲衰痾左少少係膠片度仲踩濕左手仔腳仔，所以要用塩水噴濕再吹乾．

亞Pat真辛苦一返黎實要幫我抺下手仔腳仔再洗厠所板．．．真係麻煩晒！！！

點樣先至冇咁興奮至滴尿尿呀．．．亞Pat一開門已經冇咩特別叫我嫁啦，莫非係圍欄太長時間！！！

8月4日 ~ 強力牙仔

我又有新玩具啦,係一個粉紅形狀既車車, 最近我d牙仔勁左咬爛左兩個布玩具, 尤其係個粉紅donut一咬就爆線,前幾日個藍色波板糖都咬爆左,後尾亞幫我縫返咋．．．

之後我又痾左尿係地地，都唔知點解實有一次比佢地發現，跟住又被鬧又打，攪到冇晒mood！！！

8月3日 ~ 量度身體

佢地唔記係我返家第一日幫我度三圍,身高．．．.只知7月25日body check果日既體重1.9 kg (＝４．２lb)．．．

唔緊要啦返家已經第10日啦而家度下先啦，今日8月3日磅左有５lb,身高２０cm，頸圍１８cm，胸膛２８cm，身長２８cm,頭圍１２cm,拜拜你條尾１１cm．．．加左糧餉果然重左少少．．．

今日食左1/4粒杜虫藥，要係兩個星期後再食，佢地話我有d瘦,希望大個仔可以肥d壯d啦！！！

8月2日 ~ 好怕個吸塵雞

佢地去左西貢食個lunch順便買甜餐包比太婆食，太婆今日狀態好左少少．．．Nelson, Bruce一家都黎埋，KoKo, Ivan仲表演玩柸，佢地真係好叻文武雙存似足佢地嗲媽．．．

我今日比光光打打，因為痾錯左尿尿係地地，不過其餘都好乖乖係痾係toilet．．．
我好怕個吸塵雞仲吠左佢一下，鬼叫佢呼呼咁大聲，我一吠亞Pat又鬧．．．

佢地食食下飯講起我大哥又一齊喊起上黎，後尾光光仲抱我去睇大哥d相相好懷念佢既一切，我明白嫁啦，我會乖乖以大哥為榜樣，不過比小小時間我去學習wor！！！