7月30日 ~ 又有新玩具啦

除左支藍色波板糖係我Darkgor大佬既生日禮物外，其餘都係朋友同亞Pat買比我,佢今日放工係樓下買左個水玉波波比我咬咬．．．咁都好起碼我發洩係咬玩具而唔係咬傢俬啦，都值得既．．．咁就買多d比我玩啦．．．嘻嘻嘻！！！

7月29日 ~ 被打後遺症之明顯乖左

亞Pat今日返工Lu，我係圍欄足足１１粒鐘，好彩佢地開埋把風扇仔比我，我都好乖係toilet開大開細．．．

佢地話我今日明顯乖左，起碼冇時時咬佢地手腳，同埋一叫即收口仔，希望可以再乖d．．佢地一定會更加錫我呢個小朋友！！！

7月28日 ~ 習慣在家半日兼被打

亞Pat要出去四粒鐘獨自留我係屋企，我都好乖佢返黎見我all左CC New New係toilet...

之後可能太悶狂咬佢手腳，後尾被打獲金金地，攪到驚驚走左入房late late,不過唔洗三分鐘我又靜雞雞行近亞Pat仲試下lam返佢隻手，見佢冇鬧我，我又扮晒野爬上佢大脾乖乖咁坐，唔好睇我得３個月狗仔我真係好識時務嫁！！！

7月27日 ~ Demi姐黎探我

亞Pat特登請左兩日假黎陪我，好開心今日Demi姐黎探我，佢仲帶左栗米骨比我做見面禮，遲d要拜見Bob Bob大佬...可能到時Bob Bob會嫌我煩呢．．．

我今日有少少跩跩唔肯係 toilet all new new and CC,激屎亞Pat．．．其實我係識去，不過玩野之麻．．．嘻嘻嘻！！

7月26日 ~ 初次見婆婆,Sharon,Mic

今日婆婆,S,Man e黎游水水．．．第一次見婆婆佢好醒目包左封利是比我仲寫左個仔仔兩個字，佢地一叫我個名已經識跑過去，同埋我識得係狗厠所痾尿尿屎屎，真係估唔到．．．所以佢地仲讚我醒目仔．．．

游完水水食同光光慶祝生日食天使蛋糕，仲有Sharon係台灣帶返黎既勁甜芒果．．．正！！！

7月25日 ~ 返家 + 光光生日

佢地帶左我去body check but failed, 個vet鍊完我個喉嚨咳左兩聲就話我係上呼吸道感染如果有嘔仲好易有狗瘟，所以要食兩個星期葯．．．我又冇流nose水？？佢地聽到好唔開心，但突然碗姐姐打黎問帶左我返家未，同佢講左我個case,佢即刻叫我地去天后睇Dr.Chris...真係完全唔同，Dr.Chris話我good condition without any上呼吸道感染．．．好彩咋如果唔係冇得跟佢地返屋企啦．．．

一入屋亞Pat帶我拜見Darkgor大哥,仲叫我聽教聽話添．．．settle d野後我周圍聞聞又同佢地玩玩，唔知點解我好勁已經識聽自己個名啦，佢地一叫Tako我已經飛身埋去極之擦鞋．．．之後Eva,Dee,Karen,Ivan,Icyma, Mane黎探我，佢地個個都讚我好可愛，又同我影相拍video．．．


Karenee送左個bear bear公仔比我，Evaee送左張香蕉床仔,Mane包左大利是比我同光光，而Icyma好有心帶埋魔鬼蛋糕同光光慶祝生日，今日真係好熱鬧好開心呀．．．

Icyba係樓下等我地再去圓方王家沙會合，９個人都係食左９２０咋．．．再去黃埔食埋糖水，亞Pat同光光話今日真係好多謝大家，同埋係呢個月黎最開心既一日！！！

7月21日 ~ 活力無限既我

大家睇下我呢個跩仔Tako一放出黎就冇時停．．．