11月3日 ~ 凍凍地打邊邊

今日果然係凍凍地咁我地叫埋敏e一齊打邊邊 ... 一入屋我就勁彈起要佢抱下鍚下 ...

敏e幾衰開頭淨係抱住三隻白威公仔影相, 後尾比光光鬧佢冇心乾先至即刻抱埋我影相咋...哼!!!

11月2日 ~ 亞Mic的白威手信

亞Mic送左幾樣westie gifts比亞Pat開心屎佢囉, 有毛毛公仔, 去街袋仲有圍裙...

見你咁有心今個星期回返份gift比你對仔女啦!!!

11月1日 ~ 同表哥去南生圍

表哥亞Mic佢地一家尋日係London返黎, 今次似乎最開心係表哥wor, 遊學之餘又可以practise一下d英文, "擇嗲"既時候發覺佢不停講d攪笑英文, 成個happy boy咁, 見度佢成個人都會開心好多...

亞Pat至surprise因為亞Mic送左幾樣westie gifts比佢, 亞Mic好少可咁Good boy wor, 所以真係值得珍藏 ... 嘻嘻... 睇完旅行相我地帶隊去南生圍食豆腐花跑草地...今日好多人同車, 仲有好多人影鳥影結婚相放飛機...表哥話下次要帶佢隻紙飛機黎放...真攪笑!!!

10月31日 ~ My 1st Grooming + 初次去彭福 + 太公BD

我近排d毛好亂係時候搵veve姐姐幫我執執佢, 我都係第一次拔毛同開裝...原來我唔怕拔毛沖涼又唔跩, 修完整齊左好多仲細路仔左, veve姐姐幫我拔走好多BB毛, 希望d頭毛手毛腳毛同群邊快d長啦...好想快d有個成犬look呢!!!

剪完毛去左彭福, 我第一次黎反正有草地既地方就係我既至愛, 同d 99 say hi跑下開心屎....玩左成粒鐘都好熱下要走啦... 要去同太公慶祝生日, 今日同成班親戚見面, 我好有誠意沖埋涼香香地佢地好like我, 仲讚我活潑可愛添....嘻嘻嘻!!!

10月28日 ~ 8蚊3樣

又有三樣新玩具啦全部都係8蚊咋….點解咁平??? 因為集齊10個印花就可以當100蚊用, 所以補左8蚊就可以有3樣玩具囉…嘻嘻嘻

10月26日 ~ 練習跳欄@Petmax

嘩有冇咁好呀去左兩日街街今日仲有得去…首先去左win street 食野再去megapet探芯姐姐, 再去Petmax咁我又可以去playground玩啦...

冇咩99wor, 可能時間尚早同埋d人去左登高?? 佢地訓練我跳欄, 用餅餅引我實肯跳冇難道...後尾有幾隻99黎一齊玩追逐,開心呢...

返到屋企敏e已經係度hea緊, 而我地攰到唔識講啦, 玩足幾日散散地...大家ZZZ陣再去太興食tea...

光光煲左木瓜雞腳比我地補下腳骨力, 敏e飲左一碗要走啦, 下次見啦多謝你d味真香 ^ ^