9月21日 ~ 搭船初體驗 to Lamma Island

第一次坐巴士同埋船船仲有的士去Lamma Island, 同行既有Bob Bob一家, 即場送左Tako的心星餅餅比BobBob,佢似乎同DemDem都好like食食 … 開船啦你地唔好睇BobBob大隻過我, 其實佢好細膽又怕暈船浪, 行二步就唔識郁, 要爹爹拉返佢埋去,笑屎我啦 .... 而我就狂發掘地地有冇野食, 後尾有個住島既西人過黎撩我地傾計, 大家交談得好流利順暢, 緊係啦我同BobBob都係來自澳洲...嘻嘻嘻....最主要係佢識講廣東話咋.....wakakaka

到左我地今次要去既南島書虫餐廳, 呢間野係食素菜, 08年食過一直好掛字, 所以今次要再去食, 連DemDem, Felix都話唔錯環境好舒適...食飽去周圍shop一番, 再行去洪勝爺灣, 流晒大汗不過都好開心, 我至like follow BobBob 既step, 我平時好少搶繩但一見度佢行前左幾步我又要緊貼.... 我雖然係BB仔應該算幾行得, 但我個口仔變左泥咀, 鬼叫我口水嗲嗲帝....

今次唔食出名果間亞婆豆腐花, 聽TaTa Nico講近洪勝爺灣果間仲好食, 不過要快食準備入夜有好多蚊英針....好啦上船啦我同BobBob變左屎狗瞓瞓瞓ZZZ....

下次去探你順便游水水....886 我既好兄弟BobBob!!!

9月20日 ~ 終於見面啦

未打齊第三支針時已經好想見下噹噹姐姐同埋毛毛哥哥, 好開心今日終於可以見度面啦....佢地真狗仲靚過上鏡身型又fit又靚仔靚女....亞Pat好想請教兩位點解可以咁正斗....

雖然入到西貢天陰陰好彩冇落雨,大家都到齊啦HiHi噹噹姐姐毛毛哥哥我係Tako仔,一齊行下先吹下水先啦...

佢地讚我好乖好定,亞Pat聽到心郁郁放繩比我行行,估唔到我肯聽re-call識得返黎添Good boy...

都成5點幾不過真係太熱,我地去左食個early dinner,光光整左d餅餅送比噹毛,佢地都好比面當場試食...
美美姑好有心送左個奶樽玩具比我,好啦我會飲多d奶變肥仔多謝晒!!!

9月19日 ~ 小修 + Tako的心星餅

改左第日先去探太婆, 亞Pat見有時間幫我小修一下, 剪剪下有少少感觸, 我知佢地好懷念哥哥既溫文可愛樣, 亦好希望我個第日個樣仔似哥哥, 呢樣我唔敢應承你地, 不過我會乖乖成為你地另一個窩心狗狗 ...

光光試整南瓜餅餅, 嘩好興奮!!! 我第一次食零食仲係光光整嫁, 感覺好幸福, 就改佢個名做 : Tako的心星餅啦 ...

9月18日 ~ 五個月大啦

今日係我5個月大啦, 報告一下三圍身高體重先, 體重9磅, 頸圍22cm , 胸膛33cm , 身長28cm , 身高 24cm , 拜拜你條尾13.5cm ....報告完畢 !!!

9月17日 ~ 大膽嚐試 (四粒鐘自由行)

今日大膽嚐試獨自在家自由行左四粒鐘, 佢地都好滿意因為我冇放肆跩跩, 希望以後都唔洗困圍欄就好啦.....

9月16日 ~ 好鐘意張床床

佢地幫Darkgor大哥張床床抽濕，度門一打開我即刻衝入去瞓仲好唔願意出返黎添．．．我真係好鐘意呢張床床好C服呀．．．

光光即興整飯後dessert，又名榻下來的梳乎厘，今次個outlook雖然一般，但仲好味過上次！！！

P.S. 光光今朝幫我抺咀仔時甩左隻牙，終於可以比佢地keep返隻牙仔留念啦．．．