8月15日 ~ 光光第一次整cheese cake

光光今日試整cheese cake,一早去買好材料準備整啦，你有你整餅，我有我影相．．．嘻嘻嘻

都攪左粒半鐘，終於成功仲好香呢，不過個面有少少燶，唔緊要啦第一次算係咁啦，光光真係叻叻．．．

包好佢一陣帶比太婆，婆婆佢地品嚐，出發前亞Pat幫我剪左頸，耳仔，眼，同patpat毛毛，好似大個仔左少少wor...今日有6磅啦，返左呢3個星期重左1.8磅...

光光好開心，第一次整cake,太公，太婆，婆婆，Vicky，二舅父，S，亞妹都讚好食,婆婆仲比90分添，佢話遲d學埋拿破崙同梳乎厘．．．期待期待！！！

8月14日 ~ 食雪茄

擔返口大雪茄，我充生晒認經理．．．嘩好老套呀！！！

8月12日 ~ 咬紙拖把

我真係好無聊唔玩玩具走去攪個紙拖把，咬完又咬，比人鬧完面檬檬唔夠三分鐘又咬．．．
最尾光光收起支野冇得玩 lu ！！！

8月11日 ~ 被彈口仔

由於太過牙痕咬完玩具又咬亞Pat隻手，今次終於激嬲左佢，由後比佢追住我個口黎彈，痛屎我啦．．．嗚嗚嗚．．．好唔開心呀！！！

8月10日 ~ 小修

亞Pat幫我小修一下,佢見我時時跑到扇呔,用電剷剷左小小手板腳板毛毛, 又修下眼仔毛,仲剪埋大耳仔毛毛，而家睇落隻耳仔好似細返少少wor．．修毛其間我都有少少爭扎,不過唔太大問題．．

呢幾日磅有5.5 lb重左些少．．．最開心係我愈來愈乖係厠所開大開小,冇跩跩啦因為次次開中佢地都好誇張咁讚我，咩好叻仔wor , good boy wor, 咁乖既之類．．．我至like呢種感覺，搖晒尾仔超正．．．feel so good ^ ^

8月9日 ~ Stonegrill

Stonegrill有promote緊係要試下，今日又係S姑媽生日正日，祝你生日快樂，身體健康，心想事成．．．

呢個set都幾好味，有西瓜汁or橙汁，餐湯soft包包，石頭燒牛肩，Häagen-Dazs雪榚，coffee or tea唔錯唔錯．．．希望S姑媽會鍾意啦！

食飽飽去Mega Pet買玩具，芯姐姐同亞Pat講我個兄弟係上個星期一比人買左啦，好開心呀希望佢個主人會好愛錫佢,願天父保佑我個兄弟健健康康，開開心心咁成長啦，唔知．．．第日有冇緣見返面呢？？？

我有三個新玩具，亞Pat教我stay for a while,仲叫我自己柬一份玩，嘻嘻我要Pig car真係超好玩！！！

8月8日 ~ 預祝S生日

我好乖係sofa等光光吸塵拖地，原來一陣Karen, Ivan, Eva, Dee, Mane, S同婆婆黎探我兼游水．．．

亞Pat比我試帶Mane整比Darkgor大哥既scarf,一帶上亞Pat狂讚好靚仔，咁我又好似好enjoy咁,所以都冇咬到，光光話遲d比我試著鞋仔．．．

佢地黎啦嘩好熱鬧好多人好開心，我至like熱鬧平時係屋企好悶嫁又未出得街．．．敏e好有心帶左魔鬼蛋糕同S慶祝生日，食完cake Eva ee抱埋我去左carpark睇Ivan哥哥,Karenee新車之發佈，嘩果然係型又潮，嘻嘻我仲有份坐新車，我聞到新車皮味好香．．．要同Ivan哥哥,Karenee 88先,好多謝你張床床呀．．．同埋Agnes Y & Eva ee既布布玩具呀！！！

carpark好焗要上返去游水水啦，游完水婆婆同S去左探太婆，而我地去左SSP食上海菜，敏e臨走前叫住光光陪佢打機．．．兩個老野學人扮細路入機舖打機，至慘係亞Pat被迫陪佢地．．．＞＜